Respublikaçilar qariyb 100-yil mobaynida senatorlik örni egallab turilgan Kanzasda ham yutqazişdi.
3-noyabr kuni AQŞda kongress uçun oraliq saylovlar bölib ötdi. Amerikaliklar vakillar palatasining yangi tarkibi (kongress quyi palatasida 435 örin), senat aʼzolarining uçdan bir qismini (kongress yuqori palatasida 35 örin), şuningdek, 36 ştat gubernatorlari va mahalliy qonunçilik yiğilişlari deputatlarini saylaşdi. Oraliq saylovlar prezidentlik muddatining yarmida bölib ötadi va saylovçilar hamda OAV tomonidan amaldagi davlat rahbariga işonç bildiriş böyiça öziga xos referendum sifatida qabul qilinadi. Qoidaga köra, bunday saylovda hukmron partiya doim yutqazgan. Bu safar ham şunday böldi. Donald Tramp boşqaruvidagi Respublikaçilar partiyasi vakillar palatasida ham, senatda ham köpçilik örinni boy berdi.
Demokratik partiya 3-noyabr kungi oraliq saylov yakunlariga köra AQŞ kongressining har ikki palatasi ustidan nazoratni qölga kiritdi. NBC News telekanali prognozlariga köra, demokratlar vakillar palatasida 255 örin (respublikaçilarda 180), senatda esa – 48 ga qarşi 52 örin oladi. The New York Times naşri esa Demokratik partiya vakillar palatasida 256, senatda 55 örin qölga kiritişini prognoz qilgan. Bloomberg agentligi hisob-kitoblariga köra, demokratlar senatda 53, vakillar palatasida 227 örinni kafolatlagan. CNN va Reuters ham taxminan şunday natijalarni taxmin qilgan. Yakuniy hisob-kitoblar eʼlon qilinişi bir neça hafta vaqt olişi mumkin.
Demokratlar azaldan respublikaçilar tayançi hisoblangan va Tramp muntazam ravişda ğalaba qozonib kelgan ştatlarda ham senatorlik kreslosini egalladi.
Men. Demokrat Troy Jekson respublikaçi Syuzan Kollinzni mağlub etdi, u sönggi 30 yil mobaynida uşbu ştatdan senatorlikka saylanib kelgandi.
Texas. Demokrat Jeyms Talariko ştat boş prokurori, respublikaçi nomzod Ken Pakstonni mağlubiyatga uçratdi. Texasdagi saylov kampaniyasi milliy miqyosda eng qimmatbaholaridan biri bölgandi. Pakston qator mojarolarga aralaşib qolgandi, ammo şaxsan Tramp uni qizğin qöllab-quvvatladi. Texas sönggi 30 yildan ortiq vaqt mobaynida «respublikaçilarniki» bölib turgandi.
Kanzas. Adam Hemilton Rojer Marşallni mağlub etdi va qariyb 100-yil içida – 1932-yildan buyon ştatdan senatorlikka saylangan ilk demokrat böldi.
Nathan Howard / Reuters / Scanpix / LETA
Demokrat Adam Hemilton Kanzasda bölib ötgan saylovlardagi ğalabani nişonlamoqda, 2026-yil 3-noyabr
Şimoliy Karolina. Sobiq gubernator Roy Kuper senatorlik örni uçun kuraşda Maykl Uotlidan ustun keldi – senatorlik örni respublikaçi Tom Tillis pensiyaga çiqişi munosabati bilan böş qolgandi.
Janubiy Karolina. Demokratik partiya vakili Enni Endryus senator Darlin Grem ustidan ğalaba qozondi (u bu lavozimni öz akasi, maşhur respublikaçi Lindsi Grem vafotidan keyin egallagandi). Demokratlar 1998-yildan mazkur ştatdan senatga saylanmayotgandi.
Win McNamee / Getty Images / AFP / Scanpix / LETA
Demokratik partiya vakili Enni Endryus oraliq saylovlardagi ğalabani nişonlamoqda. U Janubiy Karolinadan senatorlikka saylandi. 2026-yil 3-noyabr
Ayova. Demokrat Joş Turek uşbu ştatdan senatorlik uçun kuraşda respublikaçi Eşli Hinsonni mağlubiyatga uçratdi, Tramp mazkur ştatdagi sönggi uç saylovda ham ğolib bölgandi.
Ohayo. Demokrat Şerrod Braun respublikaçi Jon Hasted bilan bölgan kuraşda ştatdan senatorlik kursini qaytarib oldi.
Vakillar palatasida esa Demokratik partiya vakillari Ayova, Texas, Florida va Pensilvaniyada bir neça qöşimça örinlarni, şuningdek, Kentukki, Missuri, Nebraska, Ohayo va Yutada yangi örinlarni qölga kiritdi.
Kongressning yuqori palatasida ilk musulmon senator paydo böldi. Bu Miçigandan saylangan 42 yoşli demokrat nomzod Abdul As-Sayid. U saylov kampaniyasi davrida nafaqat töğridan töğri raqobatçisi, respublikaçi Mayk Rojersga qarşi, balki, Demokratik partiyaning boşqa bir nomzodi, praymerizda mağlub etilgan Heyli Stivensga qarşi ham kuraşişiga töğri keldi. Saylovlar arafasida Stivens kutilmaganda partiyadoşini qöllaşni töxtatib, Rojers foydasiga çiqişlar qilgandi. As-Sayid – Isroilning oşkora tanqidçisidir. Stivensning demarşi möʼtadil demokratlar va As-Sayidning pozitsiyasini qabul qila olmaydigan yahudiy millatiga mansub saylovçilar kayfiyatini aks ettiriş sifatida qabul qilindi.
Brian Snyder / Reuters / Scanpix / LETA
Abdul As-Sayid oraliq saylov yakunlaridan keyin jurnalistlar va öz tarafdorlariga murojaat qilmoqda
Demokratlar ştatlar gubernatorligi uçun saylovlarda ham işonçli va muhim ğalabalarga erişdi. Ular Pensilvaniya (Joş Şapiro), Illinoys (Jey Bi Pritsker), Merilend (Ues Mur), Massaçusets (Maura Hili) va Nyu-Yorkda (Keti Hoçul) qayta saylanişdi.
Jorjiya. Demokratik partiya vakili Keyşa Lens Bottoms AQŞ tarixida gubernatorlik lavozimiga saylangan ilk qora tanli ayolga aylandi.
Megan Varner / Getty Images
Keyşa Lens Bottoms natijalar eʼlon qilinişini öz yaqinlari va tarafdorlari bilan şunday qarşi oldi, 2026-yil 3-noyabr
Texas. Bu ştatda esa demokrat Jina Hinohos kelib çiqişiga köra lotin amerikalik bölgan ilk gubernator böldi. U bungaça qatorasiga uç marta qayta saylangan respublikaçi Greg Ebbottni mağlubiyatga uçratişga erişdi.
Nyu-Mexiko. Demokrat Deb Hollann esa mazkur ştat tarixida gubernatorlikka saylangan ilk tub aholi vakili. Hollann xonim hindularning pueblo qabilasiga mansub hisoblanadi. Avvalroq u kongressga saylangan ilk tub aholi vakili va AQŞ hukumati vaziri lavozimidagi ilk tub aholi vakili sifatida tarixga kirgandi.
Sam Wasson / Getty Images
Deb Xollann öz tarafdorlariga murojaat qilmoqda, 2026-yil 3-noyabr
Ohayo. Doktor Emi Ekton mazkur ştat gubernatorligiga saylangan ilk ayol böldi. Kovid pandemiyasi davrida u Ohayoning boş sanitar şifokori lavozimini egallagandi. Saylovoldi kampaniyasi vaqtida u bilan boğliq mojaro kelib çiqdi. Uning respublikaçi raqibi Vivek Ramasvami Ekton xonimning onasi iştirokida reklama roligi eʼlon qildi, unda ayol qizi özining holidan xabar olmasligidan şikoyat qilgandi. Lekin maʼlum bölişiça, Emi Ekton bolaligida ögay otasi tomonidan jinsiy zöravonlikka uçragan, şundan keyin ona onalik huquqidan mahrum qilingan va bolalar haqiqiy otasiga olib berilgan. Ramasvami bu rolik uçun öz tarafdorlari tomonidan ham qattiq tanqidga uçradi.
Minnesota. Bu ştatda ham ilk bor ayol kişi gubernatorlikka saylandi. Demokratik partiyadan senator bölgan Emi Klobuçar gubernatorlik uçun kuraşda uşbu ştat vakillar palatasi spikeri Liza Demutni mağlub etdi.
Dymanh Chhoun / Sahan Journal / Catchlight via Getty Images
Minnesotadan saylangan gubernator Emi Klobuçar, 2026-yil 3-noyabr
Kaliforniya. Havier Beserra ştatning kelib çiqişiga köra lotin amerikasilik bölgan ilk gubernatori etib saylandi. Ilgari u Kaliforniya boş prokurori, kongress aʼzosi bölgan, şuningdek, Jo Bayden maʼmuriyati davrida AQŞ soğliqni saqlaş vaziri lavozimini egallagan.
Tramp Respublikaçilar partiyasining saylovlardagi mağlubiyatini qabul qilişga «mutlaqo tayyorligi»ni aytdi. Prezident The New York Times bilan suhbatda demokratlar bilan hamkorlik qilişga tayyorligini bildirgan. «Biz nimadir öylab topişimiz mumkin», – deya qöşimça qilgan u. Fox News telekanaliga bergan izohida esa Tramp natijalardan «biroz hayratga tuşgani», çunki respublikaçilar «yaxşiroq qatnaşadi» deb öylagani haqida gapirgan. Prezident respublikaçilar mağlubiyatini saylov byulletenlarida özining nomi bölmagani bilan izohladi.
Sörovlarda prognoz qilinganidek, oraliq saylovlar amerikaliklar Trampning siyosatidan iqtisodiy masalalarda ham, Eron bilan uruş oçgani uçun ham norozi ekanini namoyiş etdi. Saylovlar arafasida prezident reytingi minimal darajagaça tuşgandi – Trampning faoliyati AQŞ fuqarolarining faqat 35-37 foizi tomonidan maʼqullangan.
Reuters agentligi oldinroq Oq uy bir neça oydan beri Tramp uçun kongress ustidan nazorat demokratlarga ötadigan vaziyatdagi boşqaruv strategiyasini işlab çiqayotgani haqida yozgandi. Xususan, Oq uydagilar prezident siyosatning qaysi ustuvor yönalişlarini kongressmenlarning roziligisiz amalga oşirişi mumkinligini örganişgan. Trampning özi esa «Mister Veto» bölişi, yaʼni demokratlar taşabbusi bilan çiqarilgan qonunlarni imzolamasligini maʼlum qildi.
