Yakka kurash maktabida yil sarhisobi

Navoiy shahrida yakka kurash turlariga ixtisoslashtirilgan sport maktabida "Yil Sarhisobi" tadbiri o‘tkazildi. Unda shahar hokimi Dilmurod Ergashev so'zga chiqib, sportchilar va ularning ota-onalari hamda ustozlarini 2024-yil davomida erishilgan yutuqlar bilan samimiy tabrikladi. 

Shuningdek, 2024-yilda yuqori natijalar ko'rsatgan sportchilarning murabbiylari va ota-onalariga tashakkurnomalar hamda esdalik sovg'alari topshirildi.

Ayni paytda ushbu sport maktabida 82 nafar mahoratli murabbiy 1200 ga yaqin sportchilarga ta'lim bermoqda. O‘tgan yilda maktab sportchilari O‘zbekiston chempionati va kuboklarida 119 ta, Osiyo chempionatida 8 ta, Jahon chempionatida esa 6 ta medal qo‘lga kiritishdi. Shuningdek, 16 nafar sportchi "O‘zbekiston sport ustasi", 4 nafar sportchi "Xalqaro toifadagi sport ustasi" unvonini oldi.