Ўзбекистоннинг Бухоро ва Навоий шаҳарларида 8 ноябр куни ҳаво ҳарорати 30 даражага етди. Натижада ҳар икки шаҳарда айнан шу сана учун 1992 йилдан буён сақланиб келган ҳарорат рекордлари янгиланди.
Фото: REUTERS
Бу ҳақда Ўзгидромет маълум қилди.
Расмий маълумотларга кўра, 8 ноябр куни Бухоро шаҳрида ҳавонинг максимал ҳарорати +30,6 °C ни ташкил этди. Бу 1992 йилнинг худди шу куни қайд этилган +29,5 °C даражадан 1,1 даража юқори.
Навоий шаҳрида эса ҳаво ҳарорати +30,0 °C гача кўтарилди. Аввалги рекорд 1992 йилда ўрнатилган бўлиб, ўша куни максимал ҳарорат +28,7 °C ни ташкил этган. Янги кўрсаткич ундан 1,3 даража юқори бўлди.
Шу тариқа, Бухоро ва Навоийда метеорологик кузатувлар тарихида 8 ноябр санаси учун энг юқори ҳарорат кўрсаткичлари қайд этилди.
