Zarafshon shahri, Xatirchi va Nurota tumanlari hokimlaridan iborat guruhi o‘rganish va kelishuvlarni Xitoyning Fujou shahrida davom ettirishdi

Safarning ikkinchi kunida viloyat delegatsiyasining Zarafshon shahri, Xatirchi va Nurota tumanlari hokimlaridan iborat guruhi o‘rganish va kelishuvlarni Xitoyning Fujou shahrida davom ettirishdi va xitoylik investorlar bilan uchrashishdi.

Muloqot davomida hokimlar o‘z hududlarining ijtimoiy-iqtisodiy salohiyati hamda investitsion jozibadorligi haqida ma’lumot berishdi. Xususan, oxirgi yillarda viloyat iqtisodiyotiga kiritilgan to‘g‘ridan to‘g‘ri xorijiy investitsiyalar salmog‘i yanada ortganini, hududda xorij sarmoyasi ishtirokida ko‘plab istiqbolli loyihalar amalga oshirilayotganini, hozirgacha aksariyat quvvatlarning to‘laqonli faoliyat boshlashiga erishilganini aytib o‘tdilar.

O‘z navbatida, kompaniya vakillari birgalikda ishlashdan manfaatdor ekanliklarini, viloyat salohiyatini rivojlantirish bilan bog‘liq strategik qadamlarni ishlab chiqishda ishtirok etish niyatlari borligini ham ta’kidlashdi. 

 Uchrashuv davomida investorlar Zarafshon shahri imkoniyatlari va “Sanoat uchburchagi” bo‘yicha  qiziqish bildirishdi. Bunga javoban shahar hokimi  samarali hamkorlik va samimiy uchrashuv uchun chuqur minnatdorchilik bildirdi.