“Bag‘rikenglik haftaligi” yuqori saviyada o'tdi

Navoiy viloyatida 16 noyabr - Xalqaro bag‘rikenglik kuniga bag‘ishlangan 

“Bag‘rikenglik haftaligi” yuqori saviyada tashkil etildi.

Xususan, mazkur haftalik doirasida viloyatdagi milliy madaniy

 markazlar va yoshlar vakillari, davlat hamda jamoat tashkilotlari 

rahbarlari ishtirokida “O‘zbekiston – bag‘rikeng diyor” mavzusida tadbirlar o‘tkazildi.

Shuningdek, bugun sana munosabati bilan ma’naviy-ma’rifiy tadbir tashkil etildi.

 Unda viloyat hokimi o‘rinbosari E.Mardonov

 ishtirok etib, millatlararo do‘stlik va totuvlikni mustahkamlash, jamiyatimizda 

turli millat va elat vakillari o‘rtasidagi o‘zaro hamjihatlik, milliy madaniyatlar,

 urf-odat va an’analarning o‘ziga xosligini saqlash bo‘yicha o‘z fikrlarini bildirdi.

Ma’lumot o‘rnida, Navoiy viloyatida qardosh tillarda so‘zlashuvchi turli millat

 vakillari tinch-totuv istiqomat qiladi. Jumladan, qozoq millatiga mansub

 38 061 nafar, qoraqalpoq 23 941 nafar, tojik 14 536 nafarni tashkil etadi.