Navoiy shahrining Mahmud Torobiy ko‘chasida zamonaviy tipdagi yangi, kreativ dizayndagi, kitobsevarlar uchun qulay kutubxona qad rostlamoqda.

O‘tayotgan yilning fevralida viloyat hokimining rasmiy  telegram kanali orqali aholi orasida e’lon qilingan “Navoiy shahrida bunyod etilishi rejalashtirilayotgan zamonaviy, o‘ziga xos kutubxona qayerda qurilishini istaysiz?” degan mazmundagi so‘rovnoma natijalari asosida ayni kunlarda Navoiy shahrining Mahmud Torobiy ko‘chasida zamonaviy tipdagi yangi, kreativ dizayndagi, kitobsevarlar uchun qulay kutubxona qad rostlamoqda. 

Bugun viloyat hokimi Normat Tursunov kutubxona qurilishi jarayonlari bilan yaqindan tanishdi.

 3 qavatli mazkur ziyo maskani bir vaqtda 230 kitobxonni qabul qilishga mo‘ljallangan bo‘lib, unda sog‘lom kitobsevarlardan tashqari imkoniyati cheklangan aholi uchun ham to‘liq qulayliklar yaratilmoqda. Maskan umumiy hisobda 171 000 adabiyotni o‘z fondiga joylashtirish imkoniga ega. Bundan tashqari elektron kutubxona ham kitobxonlarga xizmat ko‘rsatadi.