Uchquduq tumanidagi  99818–sonli harbiy qismda 14-yanvar – Vatan himoyachilari kuni munosabati bilan tadbir bo'lib o'tdi.

Uchquduq tumanidagi  99818–sonli harbiy qismda 14-yanvar – Vatan himoyachilari kuni va O‘zbekiston Qurolli kuchlarining 33 yilligi munosabati bilan  "Yangi O'zbekiston armiyasi - mamlakat tayanchi, xalqimiz faxri"  mavzusida ma’naviy-ma’rifiy tadbir bo‘lib o‘tdi.

Unda Uchquduq tumani hokimi Uchqun Yelmuratov so‘zga chiqib, davlatimiz rahbari tashabbusi bilan milliy armiyamizni tubdan takomillashtirish yo‘lida amalga oshirilayotgan keng qamrovli islohotlar, eng avvalo, vatanimiz mustaqilligi, xavfsizligi va hududiy yaxlitligini ta’minlash, osoyishtalikni mustahkamlashda muhim ahamiyat kasb etayotganligini ta’kidladi.

Tadbirda harbiy xizmatchilar va muddatli harbiy xizmatni o‘tayotgan askarlarning bir guruhiga  faxriy yorliqlar va esdalik sovg‘alari tantanali ravishda topshirildi.