Navoiy viloyati rahbari Normat Tursunov apparat yig'ilishi

Apparat yig‘ilishi davomida “Yashil makon” umummilliy loyihasini amalga oshirish, kuzgi daraxt ekish ishlarini samarali tashkil etish bo‘yicha masalalar ham muhokama etildi.

Viloyatda bog‘lar, yashil maydonlar tashkil etish bilan birga, ekilgan ko‘chatlarni tomchilatib va yomg‘irlatib sug‘orish tizimini yo‘lga qo‘yish, har tup niholni asrab-avaylash, zarur agrotexnik tadbirlarni o‘z vaqtida o‘tkazish, ularni turli kasalliklardan himoya qilish kabi yumushlarga ham e’tibor qaratish lozimligi ta’kidlandi.

Yig‘ilishda belgilangan vazifalar ijrosi bo‘yicha ishlash, havo sovib ketmasdan “Yashil makon” umummilliy loyihasi doirasida ko‘chat ekish, bog‘ va yashil maydonlar tashkil etish borasida izchil ishlar amalga oshirilishi aytib o‘tildi.

Videoselektor o‘z ishini yakunladi. Navbatda esa Xatirchi tumani mas’ullari bilan hududda amalga oshirilayotgan ishlar tahlili olib borildi.